![ഭാര്യയുമായി വിനായകന് വഴക്കുണ്ടാക്കി പോലീസിനെ വിളിച്ചു വരുത്തി, പൊലീസ് ഉദ്യോഗസ്ഥരെ ഭീഷണിപ്പെടുത്തി..ചീത്ത വിളിച്ചു എഫ്ഐആർ റിപ്പോർട്ട്](assets/news_post/vinaykan20630.jpg)
സ്റ്റേഷനില് വച്ച് വിനായകന് പുകവലിക്കുകയും ഫ്ലാറ്റില് എത്തിയ പോലീസ് സംഘത്തിലെ വനിതാ ഉദ്യോഗസ്ഥ ആരാണെന്നറിയാന് വേണ്ടിയാണ് വിനായകന് ബഹളം വച്ചതെന്നും പൊലീസ് പറയുന്നു.
കഴിഞ്ഞ ദിവസം എറണാകുളം നോർത്ത് പൊലീസ് സ്റ്റേഷനിൽ അപമര്യാദയായി പെരുമാറിയതിനെ തുടർന്ന് നടൻ വിനായകനെ അറസ്റ്റു ചെയ്യുകയും പിന്നീട് സ്റ്റേഷൻ ജാമ്യത്തിൽ വിട്ടയക്കുകയും ചെയ്തിരുന്നു. ഇപ്പോഴിതാ വിനായകനെതിരെയുള്ള എഫ്ഐആർ റിപ്പോർട്ട് പുറത്തുവിട്ടിരിക്കുകയാണ്.
നടൻ വിനായകൻ പൊലീസ് ഉദ്യോഗസ്ഥരെ ഭീഷണിപ്പെടുത്തിയെന്നും വിനായകൻ ലഹരി ഉപയോഗിച്ച ശേഷം സ്റ്റേഷനിൽ എത്തിയെന്നും എഫ്ഐആർ റിപ്പോർട്ടിൽ പറയുന്നു. പൊതുജനങ്ങൾക്ക് ശല്യം ഉണ്ടാക്കിയെന്നും പൊലീസ് ഉദ്യോഗസ്ഥരെ ഭീഷണിപ്പെടുത്തിയെന്നും ജോലി തടസപ്പെടുത്തിയെന്നും എഫ്ഐആർ റിപ്പോർട്ടിൽ പറയുന്നു.
വൈകീട്ടോടെ ഭാര്യയുമായി വിനായകന് വഴക്കുണ്ടാക്കി തുടര്ന്ന് വിനായകന് പൊലീസിനെ കലൂരിനടുത്തുള്ള തന്റെ ഫ്ലാറ്റിലേക്ക് വിളിച്ച് വരുത്തുകയായിരുന്നു എന്നാണ് പൊലീസ് പറയുന്നത്. സമാനമായി മുമ്പും വിനായകന് പൊലീസിനെ വിളിച്ചുവരുത്തുമായിരുന്നുവെന്നാണ് പൊലീസ് വ്യക്തമാക്കുന്നത്. സംഭവത്തില് പോലീസ് ഇരുവരുടെയും മൊഴിയെടുത്തു.
മഫ്ത്തിയില് വനിത പൊലീസ് അടക്കം വിനായകന്റെ ഫ്ലാറ്റില് പോയത് എന്നാണ് പൊലീസ് പറയുന്നത്. സംഭവം അനുനയിപ്പിക്കാന് ശ്രമിച്ച പൊലീസ് തുടര്ന്ന് സന്ധ്യയോടെ വിനായകന്റെ ഫ്ലാറ്റില് നിന്നും മടങ്ങുകയും ചെയ്തു.
എന്നാല് വിനായകന് ഇതില് തൃപ്തനാകാതെ പൊലീസിനെ പിന്തുടര്ന്ന് എറണാകുളം നോർത്ത് പൊലീസ് സ്റ്റേഷനിലെത്തുകയും തുടര്ന്ന് സ്റ്റേഷനില് ബഹളം വയ്ക്കുകയുമായിരുന്നെന്ന് പൊലീസ് പറയുന്നു. സ്റ്റേഷനില് വച്ച് വിനായകന് പുകവലിക്കുകയും ഫ്ലാറ്റില് എത്തിയ പോലീസ് സംഘത്തിലെ വനിതാ ഉദ്യോഗസ്ഥ ആരാണെന്നറിയാന് വേണ്ടിയാണ് വിനായകന് ബഹളം വച്ചതെന്നും പൊലീസ് പറയുന്നു.
എന്നാല് സ്റ്റേഷന് പരിസരത്ത് പുകവലിച്ചതിന് പൊലീസ് വിനായകന് പിഴയിട്ടതോടെ വീണ്ടും വിനായകന് പ്രകോപിതനായി പൊലീസിനെ അസഭ്യം പറയുകയും എസ്ഐയെ ചീത്ത വിളിക്കുകയും ചെയ്തു. ഇതോടെ വിനായകനെ അറസ്റ്റ് ചെയ്യുകയായിരുന്നു പൊലീസ്. വിനായകന് മദ്യപിച്ചു എന്ന സംശയത്തില് എറണാകുളം ജനറല് ആശുപത്രിയില് നടനെ വൈദ്യ പരിശോധനയ്ക്ക് ഹാജരാക്കുകയും ചെയ്തു. പരിശോധന റിപ്പോർട്ടിൽ വിനായകന് മദ്യലഹരിയിലായിരുന്നുവെന്ന് പൊലീസ് വ്യക്തമാക്കി
Photo Courtesy - google