![സ്ത്രീകളെയും കുട്ടികളുടെയും സുരക്ഷ ഉറപ്പാക്കാനും കുറ്റവാളികളെ വലയിടാനും പോലീസുകാർ ഇനി ബസ്സിൽ; 'എയ്ഞ്ചൽ പെട്രോൾ' പദ്ധതി](assets/news_post/ksrtc222206.jpg)
തിരക്കുള്ള സമയങ്ങളിൽ രാവിലെയും വൈകുന്നേരവും ബസുകളിൽ വനിതാ പൊലീസ് ഉദ്യോഗസ്ഥർ യാത്ര ചെയ്യുകയും യാത്രക്കാർക്ക് ബോധവൽക്കരണം നൽകുകയും ചെയ്യും
ബസുകളിൽ യാത്ര ചെയ്യുന്ന സ്ത്രീകളെയും കുട്ടികളെയുമൊക്കെ ശല്യം ചെയ്യുന്നവരെ പിടിയിടാനായി പൊലീസ്. വനിത പൊലീസ് ഉദ്യോഗസ്ഥർ മഫ്തിയിലും അല്ലാതെയും സ്ത്രീകളുടെ പരാതികൾ കേൾക്കാനും കുറ്റവാളികളെ പിടികൂടാനും ബസിൽ യാത്ര ചെയ്യന്ന പുതിയ പദ്ധതിയാണ്‘എയ്ഞ്ചൽ പെട്രോൾ’.
മലപ്പുറം ജില്ലാ പൊലീസ് മേധാവിയുടെ നേതൃത്വത്തിലാണ് പദ്ധതി നടപ്പാക്കിയത്. തിരക്കുള്ള സമയങ്ങളിൽ രാവിലെയും വൈകുന്നേരവും ബസുകളിൽ വനിതാ പൊലീസ് ഉദ്യോഗസ്ഥർ യാത്ര ചെയ്യുകയും യാത്രക്കാർക്ക് ബോധവൽക്കരണം നൽകുകയും ചെയ്യും.
എന്തെങ്കിലും ബുദ്ധിമുട്ട് ഉണ്ടായാൽ 112 എന്ന ടോൾഫ്രീ നമ്പറിൽ ബന്ധപ്പെടാം. സ്ത്രീകൾ പരാതിപ്പെടാൻ മടിച്ചാലും ബസിൽ യാത്ര ചെയ്യുന്ന പൊലീസുകാർ പ്രശ്നക്കാരെ വലയിലാക്കും. പരാതികൾ കേൾക്കാൻ പൊലീസ് നേരിട്ട് എത്തുന്നത് ആത്മവിശ്വാസം വർദ്ധിപ്പിക്കുന്നതായി യാത്രക്കാരും പ്രതികരിച്ചു.
Photo Courtesy - google