പ്രതിദിന കേസുകള്‍ കൂടുതലും കേരളത്തിലാണ്. 128 കോവിഡ് കേസുകളാണ് പുതുതായി സ്ഥിരീകരിച്ചത്
രാജ്യത്ത് സജീവ കൊവിഡ് കേസുകൾ 4,000 കടന്നു. കേരളത്തിൽ ഒരു മരണം കൂടി റിപ്പോർട്ട് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. ജെഎൻ1 കേസുകളും വര്‍ദ്ധിക്കുകയാണ്. കഴിഞ്ഞ 24 മണിക്കൂറിനുള്ളിൽ 4,054 സജീവ കൊവിഡ് കേസുകളാണ് റിപ്പോർട്ട് ചെയ്തത്. ഞായറാഴ്ച 3,742 ആയിരുന്നു ഇത്.
പ്രതിദിന കേസുകള്‍ കൂടുതലും കേരളത്തിലാണ്. 128 കോവിഡ് കേസുകളാണ് പുതുതായി സ്ഥിരീകരിച്ചത്. ഇതോടെ ആകെ കേസുകള്‍ 3,128 ആയി ഉയർന്നു. ഒരു കോവിഡ് മരണവും റിപ്പോർട്ട് ചെയ്തു.
അതേസമയം, കഴിഞ്ഞ 24 മണിക്കൂറിനിടെ 315 പേർ രോഗമുക്തി നേടി. രാജ്യത്താകെ കൊവിഡ് ഭേദമായവരുടെ എണ്ണം 4.44 കോടിയായി. കൊവിഡ് മരണങ്ങളാകട്ടെ 5,33,334 ആയി. ദേശീയ രോഗമുക്തി നിരക്ക് 98.81 ശതമാനവും മരണനിരക്ക് 1.18 ശതമാനവുമാണെന്നാണ് ആരോഗ്യ മന്ത്രാലയത്തിന്റെ കണക്കുകൾ.
കൂടാതെ, മഹാരാഷ്ട്രയിലെ താനെയില്‍ നവംബർ 30 മുതൽ പരിശോധിച്ച 20 സാമ്പിളുകളിൽ 5 കേസുകളും ജെഎൻ 1 ആണെന്ന് കണ്ടെത്തി.
Photo Courtesy - google
