![ഏകീകൃത സിവിൽ കോഡിന് പിന്തുണയുമായി ആം ആദ്മി പാർട്ടി](assets/news_post/aap17053.jpg)
രാജ്യത്ത് പൊതുവ്യക്തിനിയമം നിലവിലുണ്ടാകണമെന്ന് ഇന്ത്യന് ഭരണഘടനയുടെ 44-ാം അനുച്ഛേദം നിര്ദേശിക്കുന്നുണ്ട്
ന്യൂഡൽഹി: ഏകീകൃത സിവിൽ കോഡിന് പിന്തുണയുമായി ആം ആദ്മി പാർട്ടി. ഏകീകൃത സിവിൽ കോഡ് രാജ്യത്തിന് വളരെ പ്രധാനപ്പെട്ടതാണെന്നും എന്നാൽ, ഈ വിഷയത്തിൽ അഭിപ്രായ സമന്വയം ആവശ്യമാണെന്നും ആം ആദ്മി പാർട്ടി ജനറൽ സെക്രട്ടറി സന്ദീപ് പഥക് വ്യക്തമാക്കി. അതേസമയം, തെരഞ്ഞെടുപ്പ് അടുക്കുന്ന വേളയിൽ വിവാദമുണ്ടാക്കി നേട്ടം കൊയ്യാനാണ് ബിജെപി ഇപ്പോൾ ഈ വിഷയം ചർച്ചയാക്കുന്നതെന്നും അദ്ദേഹം വിമർശിച്ചു.
“ഏകീകൃത സിവിൽ കോഡ് രാജ്യത്തിന് വളരെ പ്രധാനപ്പെട്ടതാണ്. രാജ്യത്ത് പൊതുവ്യക്തിനിയമം നിലവിലുണ്ടാകണമെന്ന് ഇന്ത്യൻ ഭരണഘടനയുടെ 44-ാം അനുച്ഛേദം നിർദേശിക്കുന്നുണ്ട്. വിഷയതിൽ നിയമനിർമ്മാണത്തിന് മുമ്പ് രാജ്യത്തെ എല്ലാ മതവിഭാഗങ്ങളോടും രാഷ്ട്രീയകക്ഷികളോടും സംഘടനകളോടും വിഷയം ചർച്ച ചെയ്ത് അഭിപ്രായസമന്വയം രൂപവത്കരിക്കുമെന്ന് വിശ്വസിക്കുന്നു” – സന്ദീപ് പഥക് പറഞ്ഞു.