നാടോടികളായ കല്ലുകൊത്ത് തൊഴിലാളികളുടെ കടത്തിണ്ണയിൽ ഉറങ്ങിക്കിടന്ന മകളേയാണ് കന്തസ്വാമി എടുത്തുകൊണ്ടുപോയി
പാലക്കാട് കൊഴിഞ്ഞാമ്പാറ നടുപ്പുണിയിൽ 3 വയസുകാരിയെ പീഡിപ്പിച്ച 77കാരനെ റിമാന്റ് ചെയ്തു. കന്തസ്വാമിയെയാണ് റിമാൻഡ് ചെയ്തത്. പ്രതിയെ കസ്റ്റഡിയിൽ ലഭിക്കുന്നതിനായുളള അപേക്ഷ അന്വേഷണസംഘം കോടതിയിൽ സമർപ്പിച്ചു. നാടോടികളായ കല്ലുകൊത്ത് തൊഴിലാളികളുടെ കടത്തിണ്ണയിൽ ഉറങ്ങിക്കിടന്ന മകളേയാണ് കന്തസ്വാമി എടുത്തുകൊണ്ടുപോയി പീഡിപ്പിച്ചത്.
കഴിഞ്ഞ ദിവസം പുലർച്ചെയാണ് ഈ കൊടുംക്രൂരത അരങ്ങേറിയത്. മാതാപിതാക്കൾക്കൊപ്പം ഉറങ്ങിക്കിടക്കുകയായിരുന്ന കുഞ്ഞിനെ പ്രതി കന്തസ്വാമി എടുത്തുകൊണ്ടുപോയി പീഡിപ്പിച്ചെന്നാണ് പരാതി. കുഞ്ഞിനെ 50 മീറ്ററോളം ദൂരേയ്ക്ക് കൊണ്ടുപോയാണ് ക്രൂരതയ്ക്ക് ഇരയാക്കിയത്.
കഴിഞ്ഞ ദിവസങ്ങളിൽ പ്രതി കുട്ടിയുടെ രക്ഷിതാക്കളുമായി സൗഹൃദം സ്ഥാപിക്കാൻ ശ്രമിച്ചിരുന്നു, കുട്ടിയോട് വാത്സല്യത്തോടെ പെരുമാറിയിരുന്ന അതേ 77കാരനാണ് പുലർച്ചെ രക്ഷിതാക്കളുടെ കണ്ണ് വെട്ടിച്ച് കുഞ്ഞിനെയുംകൊണ്ട് കടന്നുകളയാൻ ശ്രമിച്ചത്.
Photo Courtesy - google