ജമ്മു കാശ്മീരിലെ ആശുപത്രിയിൽ ചികിത്സയിലായിരുന്ന ചിറ്റൂർ സ്വദേശി മനോജാണ് മരിച്ചത്
ജമ്മു കാശ്മീരില് വാഹനാപകടത്തില് പരിക്കേറ്റ് ചികിത്സയിലായിരുന്ന ഒരാൾ കൂടി മരിച്ചു. ജമ്മു കാശ്മീരിലെ ആശുപത്രിയിൽ ചികിത്സയിലായിരുന്ന ചിറ്റൂർ സ്വദേശി മനോജാണ് മരിച്ചത്. അപകടത്തിൽ ആദ്യം 5 പേർ മരിച്ചിരുന്നു. ഇതിൽ നാലുപേർ മലയാളികളാണ്.
കേരളത്തില് നിന്ന് പോയ വിനോദസഞ്ചാരികളായ സുധേഷ്, അനില്, വിഗ്നേഷ്, രാഹുല് എന്നീ നാലുപേരാണ് നേരത്തെ മരിച്ച മലയാളികള്. വാഹനമോടിച്ചിരുന്നത് ജമ്മുകാശ്മീര് സ്വദേശിയായ ഇജാസ് അഹമ്മദ് ആണ്. ഇയാളും അപകടത്തിൽ മരിച്ചു.
കാറില് ഡ്രൈവറെ കൂടാതെ ഏഴ് പേര് കൂടി ഉണ്ടായിരുന്നു. മരിച്ച സുധേഷ്, അനില്, വിഗ്നേഷ്, രാഹുല് എന്നിവരുടെ മൃതദേഹങ്ങൾ നാട്ടിലെത്തിച്ചു സംസ്കരിച്ചിരുന്നു.
ചൊവ്വാഴ്ച ഉച്ചയ്ക്കാണ് ശ്രീനഗര്-ലേ ഹൈവേയിലെ സോജില ചുരത്തില് അപകമുണ്ടാകുന്നത്. 13 അംഗം സഞ്ചരിച്ച രണ്ട് കാറുകള…
Photo Courtesy - google