![നടി തുനിഷ ശര്മ്മയുടെ മരണത്തിൽ സഹതാരം അറസ്റ്റില്](assets/news_post/shilpa10725.jpg)
ഇരുവരും തമ്മില് പ്രണയത്തിലായിരുന്നുവെന്നും ബന്ധം അവസാനിപ്പിച്ചത് ആത്മഹത്യക്ക് കാരണമായെന്നാണ് പ്രാഥമിക നിഗമനം.
ടെലിവിഷന് താരം തുനിഷ ശര്മ്മയുടെ ആത്മഹത്യയില് സഹതാരം അറസ്റ്റില്. നടി അഭിനയിച്ചിരുന്ന അലി ബാബ: ദസ്താന്-ഇ-കാബൂള് എന്ന ടിവി ഷോയിലെ സഹനടനായ ഷീജന് മുഹമ്മദ് ഖാനാണ് അറസ്റ്റിലായത്. ഇരുവരും തമ്മില് പ്രണയത്തിലായിരുന്നുവെന്നും ബന്ധം അവസാനിപ്പിച്ചത് ആത്മഹത്യക്ക് കാരണമായെന്നാണ് പ്രാഥമിക നിഗമനം. ഇയാള്ക്കെതിരെ സെക്ഷൻ (ഐപിസി 306) (ആത്മഹത്യ പ്രേരണ) പ്രകാരം കേസ് രജിസ്റ്റര് ചെയ്തു. ഷീജനെ ഇന്ന് വസായ് കോടതിയില് ഹാജരാക്കും
അലി ബാബ: ദസ്താന്-ഇ-കാബൂള് എന്ന ടിവി ഷോയുടെ ചിത്രീകരണത്തിലായിരുന്നു നടി. മുംബൈ നൈഗാവിലെ സെറ്റിലെ മേക്കപ്പ് റൂമില് വെച്ച് നടി ആത്മഹത്യ ചെയ്ത നിലയിൽകണ്ടെത്തിയത്. തുനിഷയെ ഉടന് ആശുപത്രിയിലെത്തിച്ചെങ്കിലും മരണം സംഭവിച്ചു.
കത്രീന കൈഫ്, വിദ്യാ ബാലന് തുടങ്ങിയ താരങ്ങള്ക്കൊപ്പം അഭിനയിച്ചിട്ടുണ്ട്. ഫിത്തൂര് എന്ന ചിത്രത്തിലൂടെയാണ് നടി അരങ്ങേറ്റം കുറിച്ചത്.
Photo Courtesy - google