![സ്വാതന്ത്ര്യദിനാഘോഷങ്ങളിൽ പങ്കെടുക്കാതെ കോൺഗ്രസ് അധ്യക്ഷൻ മല്ലികാർജ്ജുൻ ഖാർഗെ](assets/news_post/mk18290.jpg)
അതേസമയം, ഖാർഗെ ഡൽഹിയിലെ കോൺഗ്രസ് ഓഫീസിൽ ദേശീയ പതാക ഉയർത്തി
ന്യൂഡൽഹി: ചെങ്കോട്ടയിൽ നടന്ന സ്വാതന്ത്ര്യദിനാഘോഷങ്ങളിൽ പങ്കെടുക്കാതെ കോൺഗ്രസ് അധ്യക്ഷൻ മല്ലികാർജ്ജുൻ ഖാർഗെ. കോൺഗ്രസ് അധ്യക്ഷനായി നിശ്ചയിച്ചിരുന്ന ഇരിപ്പിടം ശൂന്യമായി കിടക്കുന്ന ദൃശ്യങ്ങൾ വ്യാപകമായി പ്രചരിച്ചതോടെ സംഭവത്തിൽ വിശദീകരണവുമായി കോൺഗ്രസ് രംഗത്തെത്തി. ആരോഗ്യസ്ഥിതി മോശമായതിനാലാണ് ഖാർഗെ ചെങ്കോട്ടയിലെ ചടങ്ങുകളിൽ നിന്നും വിട്ടുനിന്നതെന്നാണ് കോൺഗ്രസ് പുറത്തുവിട്ട വിശദീകരണക്കുറിപ്പിൽ പറയുന്നത്.
അതേസമയം, ഖാർഗെ ഡൽഹിയിലെ കോൺഗ്രസ് ഓഫീസിൽ ദേശീയ പതാക ഉയർത്തി. കൂടാതെ തന്റെ പ്രസംഗത്തിൽ അദ്ദേഹം സർക്കാരിനെ കടന്നാക്രമിക്കുകയും ചെയ്തു. സ്വാതന്ത്ര്യ ദിനത്തിൽ വിമർശനങ്ങളും ആക്രമണങ്ങളും കോൺഗ്രസ് പരമ്പരാഗതമായി ഒഴുവാക്കുകയാണ് പതിവ്. കോൺഗ്രസ് സ്വാതന്ത്ര്യദിന പരിപാടി ബഹിഷ്കരിക്കുകയാണെന്നും അതിനാലാണ് അധ്യക്ഷൻ പരിപാടിയിൽ പങ്കെടുക്കാത്തതെന്നുമാണ് ബിജെപിയുടെ ആരോപണം.