![സിപിഎമ്മിന്റെ ദേശീയ സെമിനാറിലേക്ക് മുസ്ലീം ലീഗിനെ ക്ഷണിച്ചതിന് സിപിഐക്ക് അതൃപ്തി](assets/news_post/cpi17377.jpg)
പ്രതിപക്ഷ നിരയിലെ പ്രധാന കക്ഷിയെ സെമിനാറിന് ക്ഷണിച്ചതിന് പിന്നിലെ ഉദ്ദേശ ശുദ്ധിയെ സിപിഐ ചോദ്യം ചെയ്യുന്നു.
തിരുവനന്തപുരം: ഏകീകൃത സിവിൽ കോഡ് സംബന്ധിച്ച പ്രക്ഷോഭങ്ങളുടെ പേരിൽ ഇടത് മുന്നണിയിൽ തർക്കം. സിപിഎം സംഘടിപ്പിക്കുന്ന സെമിനാറിന്റെ പേരിലാണ് സിപിഎം - സിപിഐ തർക്കം. സിപിഎമ്മിന്റെ ദേശീയ സെമിനാറിലേക്ക് മുസ്ലീം ലീഗിനെ ക്ഷണിച്ചതിനെതിരെയാണ് സിപിഐയിൽ അമർഷം. പ്രതിപക്ഷ നിരയിലെ പ്രധാന കക്ഷിയെ സെമിനാറിന് ക്ഷണിച്ചതിന് പിന്നിലെ ഉദ്ദേശ ശുദ്ധിയെ സിപിഐ നേതാക്കൾ ചോദ്യം ചെയ്യുന്നു.
അതേസമയം, ഈ ആഴ്ച്ച ചേരുന്ന സിപിഐ ദേശീയ നേതൃ യോഗത്തിലാകും ഏകീകൃത സിവിൽ കോഡിൽ എന്ത് നിലപാട് സ്വീകരിക്കണമെന്ന് പാർട്ടി തീരുമാനിക്കുക. ഏക സിവിൽ കോഡിൽ സിപിഐ ഇതുവരേയും നിലപാട് വ്യക്തമാക്കിയിട്ടില്ല. ഈ ആഴ്ച്ച ചേരുന്ന ദേശീയ നേതൃ യോഗത്തിലാണ് നിലപാട് എടുക്കുക. ഈ സാഹചര്യത്തിലാണ് കേരളത്തിലെ സിപിഎം നിലപാടിനെ വിമർശിച്ച് രംഗത്തെത്തിയിരിക്കുന്നത്.