![കെബി ഗണേഷ് കുമാറിന് സിനിമാ വകുപ്പ് നൽകേണ്ടതില്ല; സിപിഐഎം സംസ്ഥാന സെക്രട്ടേറിയറ്റ്](assets/news_post/ganes22726.jpg)
ആന്റണി രാജു വഹിച്ചിരുന്ന ഗതാഗതവകുപ്പ് മാത്രമാണ് ഗണേഷ് കുമാറിന് ലഭിക്കുക.
സംസ്ഥാനത്ത് നിയമസഭയിലേക്ക് പുതിയ ഗതാഗത വകുപ്പ് മന്ത്രിയായി അധികാരമേൽക്കുന്ന കെബി ഗണേഷ് കുമാറിന് സിനിമാ വകുപ്പ് നൽകേണ്ടതില്ലെന്ന് സിപിഐഎം സംസ്ഥാന സെക്രട്ടറിയേറ്റിന്റെ തീരുമാനം. ആന്റണി രാജു വഹിച്ചിരുന്ന ഗതാഗതവകുപ്പ് മാത്രമാണ് ഗണേഷ് കുമാറിന് ലഭിക്കുക. സിപിഎമ്മിന്റെ കൈവശമുളള വകുപ്പ് മാറ്റേണ്ടെന്നാണ് സംസ്ഥാന സെക്രട്ടറിയേറ്റിന്റെ തീരുമാനം.
ഇന്ന് വൈകീട്ട് നാലുമണിക്ക് രാജ്ഭവനില് നടക്കുന്ന ചടങ്ങില് കെ.ബി. ഗണേഷ് കുമാറും കടന്നപ്പള്ളി രാമചന്ദ്രനും മന്ത്രിമാരായി സത്യപ്രതിജ്ഞ ചെയ്ത് അധികാരമേല്ക്കും. മുന്നണി ധാരണപ്രകാരം ആന്റണി രാജുവും അഹമ്മദ് ദേവര്കോവിലും രാജിവെച്ച ഒഴിവിലേക്കാണ് രണ്ടുപേരും മന്ത്രിമാരായി അധികാരത്തിൽ എത്തുന്നത്.
ഇരുവർക്കും ഗവർണർ ആരിഫ് മുഹമ്മദ് ഖാന് സത്യവാചകം ചൊല്ലിക്കൊടുക്കും. ആയിരം പേർക്ക് ഇരിക്കാവുന്ന വേദിയാണ് രാജ് ഭവനിൽ ഒരുക്കിയിരിക്കുന്നത്.
Photo Courtesy - google