ഇന്റലിജൻസ് റിപ്പോർട്ടിന്റെ അടിസ്ഥാനത്തിലായിരുന്നു സ്‌പിയർ കോർപ്‌സ് ഓപ്പറേഷൻ ആരംഭിച്ചത്.
ഇംഫാൽ: മണിപ്പൂരിൽ ജനക്കൂട്ടം സൈന്യത്തെ വളഞ്ഞ് അക്രമികളെ മോചിപ്പിച്ചു. മണിപ്പൂരിലെ ഇത്തം ഗ്രാമത്തിലാണ് സംഭവം. കെവൈകെഎൽ (കംഗ്ലേയ് യവോൾ കണ്ണ ലുപ്) വിമത ഗ്രൂപ്പിലെ 12 കേഡർമാരെയാണ് സ്ത്രീകളുടെയും ഒരു പ്രാദേശിക നേതാവിന്റെയും നേതൃത്വത്തിലുള്ള ആൾക്കൂട്ടം ഇന്ത്യൻ ആർമിയുടെ സ്‌പിയർ കോർപ്‌സിന്റെ പിടിയിൽ നിന്നും മോചിപ്പിച്ചത്.
ഇന്റലിജൻസ് റിപ്പോർട്ടിന്റെ അടിസ്ഥാനത്തിലായിരുന്നു സ്‌പിയർ കോർപ്‌സ് ഓപ്പറേഷൻ ആരംഭിച്ചത്. ഏകദേശം 1200-1500 ആളുകൾ സൈനികരെ വളയുകയായിരുന്നു. സ്ത്രീകളുടെ നേതൃത്വത്തിലുള്ള ഇത്ര വലിയ ജനക്കൂട്ടത്തിന് നേരേ ആയുധ ശേഷി ഉപയോഗിക്കുന്നതിന്റെ അപകടസാധ്യതകളും നാശനഷ്ടങ്ങളും കണക്കിലെടുത്താണ് പിടികൂടിയ 12 കേഡർമാരെയും പ്രാദേശിക നേതാവിന് കൈമാറാൻ തീരുമാനിച്ചതെന്നാണ് സൈന്യം വ്യക്തമാക്കുന്നത്.
