ഖത്തറിലെ സാമൂഹ്യ സാംസ്കാരിക ജീവ കാരുണ്യ മേഖലകളിൽ മുഖ്യധാരയിൽ പ്രവർത്തിക്കുന്ന, ഒപ്പം സംഗീതത്തെയും കലയെയും സ്നേഹിക്കുകയും പ്രോത്സാഹിപ്പിക്കുകയും ചെയ്യുന്ന സമാനമനസ്കരായ ഒരു പറ്റം സുഹൃത്തുക്കളുടെ കൂട്ടായ്മ ഖയാൽ-ഖത്തർ രൂപീകൃതമായി.
ഐഐസിസി കഞ്ചാനി ഹാളിൽ നിറഞ്ഞ സദസ്സിനു മുന്നിൽ നടന്ന ഉത്ഘാടന ചടങ്ങ് ശ്രീ സൂര്യ കൃഷ്ണ മൂർത്തി നിലവിളക്ക് കൊളുത്തി നിർവഹിച്ചു. ഖയാൽ എക്സിക്യൂട്ടീവ് അംഗങ്ങളായ പിഎൻ ബാബുരാജ്, ജോപ്പച്ചൻ, എസ്എഎം ബഷീർ, വിനോദ് നായർ, ഹൈദർ ചുങ്കത്തറ, എപി മണികണ്ഠൻ, കെവി ബോബൻ, ഇപി അബ്ദുറഹിമാൻ, പ്രദീപ് പിള്ള, അഹമ്മദ് കുട്ടി, ആഷിഖ് മാഹി, അഹദ് മുബാറക്, മുസ്തഫ എലത്തൂർ, താജുദ്ദീൻ, ഹംസ, കരീം, വിഒടി റഹ്മാൻ, നിഹാദ് അലി, അഷ്റഫ് എന്നിവർ സന്നിഹിതരായിരുന്നു.
ഹൈദർ ചുങ്കത്തറ അധ്യക്ഷത വഹിച്ചു, വിനോദ് നായർ സ്വാഗതവും പിഎൻ ബാബുരാജ്, എസ്എഎം ബഷീർ ആശംസകളും നേർന്നു. എപി മണികണ്ഠൻ, ഇപി അബ്ദുറഹിമാൻ എന്നിവർ ചേർന്നു മുഖ്യാതിഥിക്കു പൊന്നാട അണിയിച്ചു. ആഷിഖ് മാഹി, അഹദ് മുബാറക്, വിനോദ് നായർ, ഹംസ, അനീഷ, അഞ്ജു, ഹംന, ഡോ. സജിത്ത്, ആയിഷ എന്നിവരുടെ നേതൃത്വത്തിൽ സംഗീത നൃത്ത പരിപാടികൾ അരങ്ങേറി. മുസ്തഫ എലത്തൂർ, സെറീന അഹദ്, മഞ്ജു എന്നിവർ പരിപാടി നിയന്ത്രിച്ചു. കെവി ബോബൻ നന്ദി പറഞ്ഞു.