![8 വയസുകാരനായ വിദ്യാർഥിയുടെ സ്വകാര്യ ഭാഗത്ത് നൈലോണ് നൂല് കെട്ടിയിട്ടെന്ന് പരാതി](assets/news_post/sad_child11001.jpg)
ന്യൂഡല്ഹി മുനിസിപ്പല് കോര്പ്പറേഷന് സ്കൂള് വിദ്യാര്ത്ഥികള്ക്കെതിരെയാണ് ആരോപണം
ന്യൂഡല്ഹി: സ്കൂൾ വിദ്യാർഥിയായ 8 വയസ്സുകാരന്റെ സ്വകാര്യ ഭാഗത്ത് നൈലോണ് നൂല് കെട്ടിയിട്ടെന്ന് പരാതി. ഇക്കഴിഞ്ഞ ബുധാനാഴ്ചയാണ് കേസിന് ആസ്പദമായ സംഭവം നടന്നത്. കിദ്വായ് നഗര് ഏരിയയിലെ ന്യൂഡല്ഹി മുനിസിപ്പല് കോര്പ്പറേഷന് സ്കൂള് വിദ്യാര്ത്ഥികള്ക്കെതിരെയാണ് ആരോപണം. കുട്ടിയുടെ ആരോഗ്യ നില തൃപ്തികരമാണ്. കുട്ടി ചികിത്സയില് തുടരുകയാണ്.
കിദ്വായ് നഗറിലെ തന്നെ പ്രീപൈമറി അടല് ആദര്ശ് സ്കൂളിലെ വിദ്യാര്ത്ഥിയാണ് എട്ടുവയസ്സുകാരന്. കുട്ടി കുളിക്കാനിറങ്ങിയപ്പോഴാണ് കുട്ടിയുടെ സ്വകാര്യ ഭാഗത്ത് നൂല്കെട്ടിയിട്ടതായി മാതാപിതാക്കളുടെ ശ്രദ്ധയില്പ്പെട്ടത്. ഉടന് തന്നെ കുട്ടിയെ ആശുപത്രിയിലെത്തിക്കുകയും പിന്നീട് പൊലീസില് വിവരമറിയിക്കുകയും ചെയ്തു.
കുട്ടിയോട് ഈ ക്രൂരത ചെയ്ത സംഘത്തെ കുട്ടി തിരിച്ചറിഞ്ഞിട്ടില്ല, അതിനാല് പൊലീസ് സ്കൂള് സന്ദര്ശിച്ച് അന്വേഷണം തുടരുകയാണ്.
Photo Courtesy - google