34 കൊവിഡ് മരണങ്ങള് നടന്നതിൽ 9 മരണങ്ങൾ കേരളത്തിൽ നിന്നാണ്...
ന്യൂഡല്ഹി: രാജ്യത്ത് കഴിഞ്ഞ 24 മണിക്കൂറിനിടെ 11,539 പുതിയ കൊവിഡ് കേസുകള് റിപ്പോർട്ട് ചെയ്തു. രാജ്യത്ത് 4,43,39,429 പേര്ക്കാണ് ഇതുവരെ കൊവിഡ് ബാധയുണ്ടായിട്ടുള്ളത്. അതുപോലെ 34 കൊവിഡ് മരണങ്ങള് നടന്നതായും കേന്ദ്ര ആരോഗ്യ മന്ത്രാലയം പുറത്തുവിട്ട റിപ്പോര്ട്ടില് പറയുന്നു. ഇതൊടെ രാജ്യത്ത് ആകെ രോഗം ബാധിച്ച് മരിച്ചവരുടെ എണ്ണം 5,27,332 ആയി ഉയർന്നു.
അതേസമയം സജീവ കേസുകളുടെ എണ്ണം 99,879 ആയി കുറഞ്ഞു. 4,37,12,218 പേര് രോഗമുക്തി നേടിയതായി റിപ്പോര്ട്ടുകള് പറയുന്നു. 34 മരണങ്ങളിൽ 9 മരണങ്ങൾ കേരളത്തിൽ നിന്നും റിപ്പോർട്ട് ചെയ്തതാണ്.
മൊത്തം അണുബാധകളുടെ 0.23 ശതമാനവും സജീവമായ കേസുകളാണ്, അതേസമയം ദേശീയ കോവിഡ് -19 വീണ്ടെടുക്കൽ നിരക്ക് 98.59 ശതമാനമാണെന്ന് മന്ത്രാലയം അറിയിച്ചു.
അതേസമയം, പ്രതിദിന പോസിറ്റിവിറ്റി നിരക്ക് 3.75 ശതമാനവും പ്രതിവാര പോസിറ്റിവിറ്റി നിരക്ക് 3.88 ശതമാനവും രേഖപ്പെടുത്തിയതായി മന്ത്രാലയം അറിയിച്ചു.
കഴിഞ്ഞ ദിവസം 15,754 പേർക്കായിരുന്നു കൊവിഡ് സ്ഥിരീകരിച്ചത്. 39 മരണങ്ങളും റിപ്പോർട്ട് ചെയ്തിരുന്നു.
Photo Courtesy - google