കേന്ദ്ര ആരോഗ്യ മന്ത്രാലയത്തിന്റെ കണക്കുകൾ പ്രകാരം കഴിഞ്ഞ 24 മണിക്കൂറിനുള്ളിൽ ഇന്ത്യയിൽ 7,231 പേർക്ക് കോവിഡ് കേസുകൾ റിപ്പോർട്ട് ചെയ്തു. സജീവമായ കേസുകളുടെ എണ്ണം 65,000-ൽ താഴെയാണ്. നിലവിൽ രാജ്യത്ത് 64,667 സജീവ കേസുകളാണുള്ളത്. അതേസമയം കഴിഞ്ഞ 24 മണിക്കൂറിൽ 45 മരണങ്ങളും റിപ്പോർട്ട് ചെയ്തു ഇതോടെ ആകെ മരണസംഖ്യ 5,27,874 ആയി ഉയർന്നു.
പ്രതിദിന പോസിറ്റിവിറ്റി നിരക്ക് 2.05 ശതമാനവും, പ്രതിവാര പോസിറ്റിവിറ്റി നിരക്ക് 2.55 ശതമാനവുമാണ്. കഴിഞ്ഞ 24 മണിക്കൂറിനുള്ളിൽ, ആകെ 10,828 പേർ കോവിഡിൽ നിന്ന് സുഖം പ്രാപിച്ചു. ഇതോടെ ആകെ സുഖം പ്രാപിച്ചവരുടെ എണ്ണം 4,38,35,852 ആയി. രോഗമുക്തി നിരക്ക് 98.67 ശതമാനമാണെന്ന് ആരോഗ്യ മന്ത്രാലയം അറിയിച്ചു.
കഴിഞ്ഞ 24 മണിക്കൂറിനുള്ളിൽ 3,52,166 ടെസ്റ്റുകൾ നടത്തി. രാജ്യത്ത് ഇതുവരെ 88.58 കോടി കോവിഡ് ടെസ്റ്റുകളാണ് നടത്തിയിട്ടുള്ളത്. കോവിഡ് വാക്‌സിനേഷൻ ഡ്രൈവിന് കീഴിൽ ഇതുവരെ 212.39 കോടിയിലധികം കോവിഡ് -19 വാക്‌സിൻ ഡോസുകൾ നൽകിയിട്ടുണ്ട്, അതിൽ 22,50,854 ഡോസുകൾ കഴിഞ്ഞ 24 മണിക്കൂറിനുള്ളിൽ നൽകി.
