![മഹാരാഷ്ട്രയിൽ കൊവിഡ് ഉയരുന്നു; ജെഎൻ വൺ കേസുകൾ കൂടുതലും സ്ഥിരീകരിച്ചത് കേരളത്തിൽ](assets/news_post/covi test22749.jpg)
ഗുജറാത്താണ് കൊവിഡ് കേസുകളുടെ എണ്ണത്തിൽ മൂന്നാമതുള്ള സംസ്ഥാനം
മഹാരാഷ്ട്രയിൽ കൊവിഡ് കേസുകളിൽ വർധിക്കുന്നു. 117 പുതിയ കേസുകളാണ് കൊവിഡ് ടാസ്ക് ഫോഴ്സിന്റെ ആദ്യ യോഗം നടന്ന വ്യാഴാഴ്ച റിപ്പോർട്ട് ചെയ്തത്. അടുത്ത 15 ദിവസത്തേക്ക് കനത്ത ജാഗ്രത പുലർത്തണമെന്നാണ് ആരോഗ്യ വകുപ്പ് നിർദേശം. എന്നാൽ വെള്ളിയാഴ്ച സ്ഥിരീകരിച്ച കൊവിഡ് കേസുകളിൽ ഒന്നും ജെഎൻ വൺ അല്ലെന്നത് ആശ്വാസമാണ്.
അതേസമയം, രാജ്യത്ത് ജെഎൻ വൺ കേസുകൾ ഏറ്റവും കൂടുതൽ സ്ഥിരീകരിച്ചത് കേരളത്തിലെന്നാണ് റിപ്പോർട്ട്. ഒരു മാസത്തിനിടെ രാജ്യത്താകെ 145 കേസുകൾ റിപ്പോർട്ട് ചെയ്തു. കേരളത്തിൽ സ്ഥിരീകരിച്ചത് 41 ജെഎൻ വൺ കേസുകളാണ്.
ഗുജറാത്താണ് കൊവിഡ് കേസുകളുടെ എണ്ണത്തിൽ മൂന്നാമതുള്ള സംസ്ഥാനം. 34 ആക്ടീവ് കേസുകളാണ് ഗുജറാത്തിൽ റിപ്പോർട്ട് ചെയ്തിട്ടുള്ളത്. പുതുവത്സര ആഘോഷങ്ങൾ പ്രമാണിച്ച് കർശന ജാഗ്രത പാലിക്കണമെന്ന് കേന്ദ്ര ആരോഗ്യ മന്ത്രാലയത്തിന്റെ മുന്നറിയിപ്പ് നൽകുന്നു.
Photo Courtesy - google