സര്‍വീസ് നടത്തുന്ന ചില ബസുകളില്‍ ജീവനക്കാര്‍ അലങ്കാരങ്ങളും തോരണങ്ങളും കെട്ടിപ്പോകുന്നത് കെ.എസ്.ആര്‍.ടി.സി മാനേജ്മെന്‍റിന്‍റെ ശ്രദ്ധയില്‍പ്പെട്ടതിനെ തുടർന്നാണ് കര്‍ശന നിര്‍ദേശം
കെ.എസ്.ആര്‍.ടി.സി ശബരിമല സർവീസ് ബസുകൾ അലങ്കരിച്ചാൽ നടപടിയെടുക്കുമെന്ന് മുന്നറിയിപ്പ് നൽകി പമ്പ സ്പെഷ്യൽ ഓഫീസർ. ഡിപ്പോ അധികാരിക്കെതിരെ കോടതി അലക്ഷ്യത്തിനാണ് നടപടി എടുക്കുക.
ശബരിമലയിലേക്ക് പോകുന്ന തീർഥാടകർ പുഷ്പങ്ങളും ഇലകളും വച്ച് അലങ്കരിച്ച വാഹനങ്ങളിൽ എത്തേണ്ടെന്ന് ഹൈക്കോടതി ഉത്തരവിട്ടിരുന്നു. വാഹനങ്ങൾ അലങ്കരിച്ച് വരുന്നത് മോട്ടർ വാഹന നിയമങ്ങൾക്ക് എതിരാണെന്ന് ഹൈക്കോടതി വ്യക്തമാക്കിയിരുന്നു. ഡ്രൈവറുടെ കാഴ്ച മറക്കുന്ന രീതിയില്‍ ശബരിമല സര്‍വീസ് ബസുകള്‍ അലങ്കരിക്കരുതെന്ന് ഹൈക്കോടതി ഉത്തരവിട്ടിരുന്നു.
പക്ഷേ സര്‍വീസ് നടത്തുന്ന ചില ബസുകളില്‍ ജീവനക്കാര്‍ അലങ്കാരങ്ങളും തോരണങ്ങളും കെട്ടിപ്പോകുന്നത് കെ.എസ്.ആര്‍.ടി.സി മാനേജ്മെന്‍റിന്‍റെ ശ്രദ്ധയില്‍പ്പെട്ടതിനെ തുടർന്നാണ് കര്‍ശന നിര്‍ദേശം.
Photo Courtesy - google
