!['ദോശയും അപ്പവും ഇനി മുതൽ പൊള്ളും' തലസ്ഥാനത്ത് ഇന്ന് മുതൽ അരി മാവിന് വില വർദ്ധിക്കും](assets/news_post/batter20112.jpg)
അപ്പത്തിനും ദോശമാവിനും ഉപയോഗിക്കുന്ന അരി 22 രൂപയിൽ നിന്നും 40 രൂപയായാണ് ഉയർന്നത്
തിരുവനന്തപുരം: ദോശയുടെയും അപ്പത്തിൻ്റെയും മാവിൻ്റെ വില 5 രൂപ മുതല് 10 രൂപയായി വർദ്ധിച്ചു. തലസ്ഥാനത്ത് ഇന്ന് മുതലാണ് മാവിൻ്റെ വിലയിൽ വർധനയുണ്ടായിരിക്കുന്നത്. അരിയുടേയും ഉഴുന്നിൻ്റേയും വില വര്ധിച്ചതിനാലാണ് അരിമാവിൻ്റെ വിലകൂട്ടിയതെന്നാണ് ഉത്പാദകര് പറയുന്നത്.
കിലോയ്ക്ക് 100 രൂപയുണ്ടായിരുന്ന ഉഴുന്നിൻ്റെ വില 140 രൂപയായാണ് ഉയർന്നിരിക്കുന്നത്. അപ്പത്തിനും ദോശമാവിനും ഉപയോഗിക്കുന്ന അരി 22 രൂപയിൽ നിന്നും 40 രൂപയായാണ് ഉയർന്നത്. ഈ സാഹചര്യത്തിലാണ് വില വർധിച്ചത്. തിരുവനന്തപുരം ജില്ലയെ സംബന്ധിച്ചിടത്തോളം വലിയ പ്രതിസന്ധിയാണ് ഇത് സൃഷ്ടിക്കുന്നത്. പ്രധാനമായും ഇത്തരം ഇൻസ്റ്റൻ്റ് അരിമാവുകളെ ആശ്രയിക്കുന്നത് ജോലി തിരക്കുകൾ ഉള്ളവരാണ്. ഇത് കുടുംബ ബജറ്റിനെ കാര്യമായി ബാധിക്കാൻ സാധ്യതയുണ്ട്.
തിരുവനന്തപുരം ജില്ലയിൽ ഒരു ദിവസം ഒരു ലക്ഷം മുതല് ഒന്നര ലക്ഷം വരെ അരിമാവാണ് വിൽകുന്നതെന്ന് ഉത്പാദാകർ പറയുന്നത്. ബ്രാൻഡ് വാല്യവുമനനുസരിച്ച് വിലയിൽ മാറ്റമുണ്ടാകും.
Photo Courtesy - google