കർഷകർ സന്തുഷ്ടരാണെങ്കിൽ, ഇന്ത്യ സന്തുഷ്ടമാണ്!
റായ്പൂർ: ഛത്തീസ്ഗഡിലെ നെൽകർഷകർക്കൊപ്പം വയലിലിറങ്ങി വിളവെടുത്ത് കോൺഗ്രസ് നേതാവ് രാഹുൽ ഗാന്ധി. ഛത്തീസ്ഗഡിലെ റായ്പൂരിനടുത്തുള്ള കത്തിയ ഗ്രാമത്തിലാണ് രാഹുൽ ഗാന്ധി കർഷകർക്കൊപ്പം വയലിൽ ഇറങ്ങിയത്. തലയിൽ തോർത്തും കെട്ടി വയലിൽ നെല്ല് കൊയ്യുന്ന ചിത്രങ്ങൾ രാഹുൽ ഗാന്ധി തന്നെയാണ് സമൂഹ മാധ്യമങ്ങളിൽ പങ്കുവെച്ചത്. സംസ്ഥാനത്തെ കോൺഗ്രസ് സർക്കാർ കർഷകർക്കായി നടപ്പാക്കിയ പദ്ധതികളെ കുറിച്ചും രാഹുൽ ഗാന്ധി വിശദീകരിച്ചു.
"കർഷകർ സന്തുഷ്ടരാണെങ്കിൽ, ഇന്ത്യ സന്തുഷ്ടമാണ്! ഛത്തീസ്ഗഢിലെ കർഷകർക്കായി കോൺഗ്രസ് ഗവൺമെന്റിന്റെ അഞ്ച് മികച്ച പദ്ധതികളാണ് അവരെ ഇന്ത്യയിലെ ഏറ്റവും സന്തുഷ്ടരാക്കിയത്. 2,640/ക്വിന്റൽ നെല്ലിന് എംഎസ്പി, ₹ 23,000 കോടി മുതൽ 26 ലക്ഷം വരെ കർഷകർക്ക് സബ്‌സിഡി. 19 ലക്ഷം കർഷകരുടെ 10,000 കോടി രൂപയുടെ വായ്പകൾ എഴുതിതള്ളി, വൈദ്യുതി ബിൽ പകുതിയാക്കി, 5 ലക്ഷം കർഷകത്തൊഴിലാളികൾക്ക് പ്രതിവർഷം 7,000 രൂപ. ഇന്ത്യയൊട്ടാകെ തുടരാനുദ്ദേശിക്കുന്ന മാതൃകയാണ്".- രാഹുൽ ഗാന്ധി എക്സിൽ കുറിച്ചു.
