കണ്ണൂർ: കണ്ണൂരിലേക്ക് പുതിയ പാസഞ്ചർ ട്രെയിൻ പ്രഖ്യാപിച്ച് റയിൽവെ. തിരക്ക് കുറയ്ക്കുക ലക്ഷ്യമിട്ടാണ് ഷൊർണൂർ-കണ്ണൂർ റൂട്ടിൽ റയിൽവെ പുതിയ പാസഞ്ചർ ട്രെയിൻ പ്രഖ്യാപിച്ചിരിക്കുന്നത്. ജൂലായ് രണ്ടുമുതൽ ആഴ്ചയിൽ നാലുദിവസം പാസഞ്ചർ സർവീസ് നടത്തും. 10 ജനറൽ കോച്ചുകളുള്ള ട്രെയിൻ ഒരുമാസത്തേക്കാണ് താത്ക്കാലികമായി സർവീസ് നടത്തുക.
ഷൊർണൂർ-കണ്ണൂർ സർവീസ് (06031) ചൊവ്വ, ബുധൻ, വ്യാഴം, വെള്ളി ദിവസങ്ങളിലും കണ്ണൂർ-ഷൊർണൂർ സർവീസ് (06032) ബുധൻ, വ്യാഴം, വെള്ളി, ശനി ദിവസങ്ങളിലുമാണ്. വൈകിട്ട് 3.40-ന് ഷൊർണൂരിൽനിന്ന് പുറപ്പെടുന്ന ട്രെയിൻ പട്ടാമ്പി-3.54, കുറ്റിപ്പുറം-4.13, തിരൂർ-4.31, താനൂർ-4.41, പരപ്പനങ്ങാടി-4.49, ഫറൂഖ്-5.15, കോഴിക്കോട്-5.30, കൊയിലാണ്ടി-6.01, വടകര-6.20, മാഹി-6.33, തലശ്ശേരി-6.48 എന്ന സമയക്രമത്തിൽ 7.40-ന് കണ്ണൂരിലെത്തും.
കണ്ണൂരിൽനിന്ന് രാവിലെ 8.10-ന് പുറപ്പെടുന്ന ട്രെയിൻ തലശ്ശേരി-8.25, മാഹി-8.36, വടകര-8.47, കൊയിലാണ്ടി-9.09, കോഴിക്കോട്-9.45, ഫറൂഖ്-10.05, പരപ്പനങ്ങാടി-10.17, താനൂർ-10.26, തിരൂർ-10.34, കുറ്റിപ്പുറം-10.49, പട്ടാമ്പി-11.01 എന്ന സമയക്രമത്തിൽ 12.30-ന് ഷൊർണൂരെത്തും.
