മൾട്ടിപ്ലക്‌സ് അസോസിയേഷന് കീഴിലുള്ള പിവിആർ ഐനോക്‌സ്, സിനിപോളിസ്, മിറാഷ്, വേവ്, എം2കെ, ഡിലൈറ്റ്, സിറ്റിപ്രൈഡ്, ഏഷ്യൻ, മുക്ത എ 2, മൂവി ടൈം തുടങ്ങിയ മൾട്ടിഫ്ലെക്സ് ശ്യംഖലകളിലാണ് ഓഫർ ലഭ്യമാകുക.
ദേശീയ ചലച്ചിത്ര ദിനമാണ് ഇന്ന്. ഇതിൻ്റെ ഭാഗമായി സിനിമ പ്രേമികൾക്ക് വമ്പൻ ഓഫെടുകളാണ് ലഭ്യമാകുന്നത്. കേരളത്തിലും ഈ ഓഫർ ലഭ്യമാണ്. കഴിഞ്ഞ വർഷവും ഇത്തരം ഓഫറുകൾ നിലവിലുണ്ടായിരുന്നു. മൾട്ടിപ്ലെക്സുകൾ അടക്കമുള്ള തിയറ്ററുകളിൽ 99 രൂപ മുതൽ ടിക്കറ്റുകൾ നൽകിയാണ് കഴിഞ്ഞ വർഷവും ആഘോഷിച്ചത്. ഇത്തവണയും സമാനമായാണ് ആഘോഷങ്ങൾ.
മൾട്ടി മൾട്ടിപ്ലക്‌സ് അസോസിയേഷൻ ഓഫ് ഇന്ത്യയാണ് ഈ പ്രത്യേക ഓഫർ അവതരിപ്പിച്ചിരിക്കുന്നത്. രാജ്യം മുഴുവൻ നാലായിരത്തിൽ അധികം സ്‌ക്രീനുകളിൽ ഈ ഓഫർ ലഭ്യമായിരിക്കും. തമിഴ്നാട്, തെലങ്കാന, ആന്ധ്രപ്രദേശ് എന്നിവിടങ്ങളിൽ ഓഫർ ലഭ്യമല്ലെന്നും റിപ്പോർട്ടുകളുണ്ട്.
മൾട്ടിപ്ലക്‌സ് അസോസിയേഷന് കീഴിലുള്ള പിവിആർ ഐനോക്‌സ്, സിനിപോളിസ്, മിറാഷ്, വേവ്, എം2കെ, ഡിലൈറ്റ്, സിറ്റിപ്രൈഡ്, ഏഷ്യൻ, മുക്ത എ 2, മൂവി ടൈം തുടങ്ങിയ മൾട്ടിഫ്ലെക്സ് ശ്യംഖലകളിലാണ് ഓഫർ ലഭ്യമാകുക.
ബുക്ക്മൈഷോ, പേടിഎം തുടങ്ങിയ സിനിമ ബുക്കിങ് ആപ്പുകളിലു ഈ തുകക്ക് ടിക്കറ്റ് ലഭിക്കുന്നതാണ്. ഒക്ടോബർ 13-ന് ഏത് സമയത്തും ഓഫർ ലഭ്യമാണ്. ബുക്കിങ് ആപ്പുകളിൽ 99 രൂപക്ക് പുറമെ അധിക ബുക്കിങ് ചാർജ് ഈടാക്കിയേക്കും. തിയറ്ററുകളിലെ കൗണ്ടറുകളിൽ 99 രൂപയ്ക്ക് ടിക്കറ്റ് എടുക്കാം. എന്നാൽ ഐമാക്സ്, 4ഡിഎക്സ്, റിക്ലെെനർ തുടങ്ങിയ പ്രീമിയം വിഭാഗങ്ങൾക്ക് ഓഫർ ബാധകമല്ല.
Photo Courtesy - google
