!['മികച്ച ഏഷ്യൻ നടൻ എന്ന പദവി ഇനി ടൊവിനോയ്ക്ക് സ്വന്തം'; സെപ്റ്റിമിയസ് അവാർഡിൽ തിളങ്ങി ടൊവിനോ തോമസ്](assets/news_post/tovi19708.jpg)
‘2018, എവരിവണ് ഈസ് എ ഹീറോ’ എന്ന സിനിമയിലെ പ്രകടനത്തിനാണ് മികച്ച ഏഷ്യൻ നടനുള്ള പുരസ്കാരം ടൊവിനോ സ്വന്തമാക്കിയിരിക്കുന്നത്.
അന്തര്ദേശീയ ചലച്ചിത്ര പുരസ്കാരത്തിൽ തിളങ്ങി ടോവിനോ തോമസ്. നെതര്ലന്ഡ്സിലെ ആംസ്റ്റര്ഡാമില് നിന്നുള്ള സെപ്റ്റിമിയസ് അവാര്ഡ് നേടുന്ന ആദ്യ ദക്ഷിണേന്ത്യൻ നടനും കൂടെയാണ് ടൊവിനോ തോമസ്. ജൂഡ് ആന്റണി ജോസഫ് സംവിധാനം ചെയ്ത ‘2018, എവരിവണ് ഈസ് എ ഹീറോ’ എന്ന സിനിമയിലെ പ്രകടനത്തിനാണ് മികച്ച ഏഷ്യൻ നടനുള്ള പുരസ്കാരം ടൊവിനോ സ്വന്തമാക്കിയിരിക്കുന്നത്.
പുരസ്കാരം കേരളത്തിന് സമര്പ്പിച്ച് ടൊവിനോ സമൂഹ മാധ്യമങ്ങളിൽ സന്തോഷം പങ്കുവച്ചിട്ടുണ്ട്. ഇന്ത്യയില് നിന്നുള്ള മറ്റൊരു നടനും യുട്യൂബറുമായ ഭുവൻ ബാമും മികച്ച ഏഷ്യൻ നടനുള്ള നോമിനേഷനില് ടൊവിനോക്കൊപ്പം ഇടംപിടിച്ചിരുന്നു.
‘ഒരിക്കലും വീഴാതിരിക്കുന്നതിലല്ല നമ്മുടെ മഹത്വം. മരിച്ച് വീണുപോകുന്ന ഓരോ തവണയും ഉയര്ത്തെഴുന്നേല്ക്കുന്നതിലാണ്. 2018 ല് അപ്രതീക്ഷിതമായെത്തിയ പ്രളയം നമ്മുടെ വാതിലുകളില് മുട്ടിയപ്പോള് കേരളം വീഴാന് തുടങ്ങിയതാണ്. പക്ഷേ നമ്മളെന്താണെന്ന് പിന്നീട് ലോകം കണ്ടു. മികച്ച ഏഷ്യന് നടനായി എന്നെ തെരഞ്ഞെടുത്തതിന് സെപ്റ്റിമിയസ് അവാര്ഡ്സിന് നന്ദി. ഇത് എപ്പോഴും എന്റെ ഹൃദയത്തോട് ചേര്ന്നിരിക്കും. 2018 എന്ന ചിത്രത്തിലെ പ്രകടനത്തിനാണ് ഈ നേട്ടം എന്നതാണ് ഈ പുരസ്കാരത്തെ പ്രത്യേകതയുള്ളതാക്കുന്നത്. ഈ പുരസ്കാരം കേരളത്തിനാണ്. സമൂഹ മാധ്യമങ്ങളിൽ ടൊവിനോ പങ്കുവച്ചു.
Our greatest glory is not in never falling, but in rising every time we fall. In 2018, Kerala began to fall when unexpected floods knocked on our doors. But then the world saw what Keralites were made of…
— Tovino Thomas (@ttovino) September 26, 2023
Thank you SEPTIMIUS AWARDS for selecting me as the Best Asian Actor. It… pic.twitter.com/OZ1SAraDzp
Photo Courtesy - google