![പണം ആവശ്യപെട്ടു ഭീഷണി; ട്രാന്സ്ജന്ഡറിനെ 2 സുഹൃത്തുക്കള് ചേര്ന്ന് കൊലപ്പെടുത്തി](assets/news_post/trns11661.jpg)
പണം നൽകാൻ വിസമ്മതിച്ചാൽ പിതാവിനോട് തങ്ങളുടെ ബന്ധം വെളിപ്പെടുത്തുമെന്ന് മിനാല് ഭീഷണിപ്പെടുത്തി
തെക്കുകിഴക്കൻ ഡൽഹിയിലെ സൺലൈറ്റ് കോളനിയിൽ ട്രാന്സ്ജന്ഡറിനെ സുഹൃത്തുക്കള് ചേര്ന്ന് കൊലപ്പെടുത്തി. അഭിഷേക് തോമര് (22) എന്ന മിനല് ആണ് കൊല്ലപ്പെട്ടത്. പ്രതികളായ ഹിമാന്ഷു കുമാര് (20), സോനു കുമാര് (21) എന്നിവരെ പോലീസ് അറസ്റ്റ് ചെയ്തു. സോനു യുപി സ്വദേശിയും, ഹിമാന്ഷു ഡല്ഹി സ്വദേശിയാണ്.
പണം നൽകാൻ വിസമ്മതിച്ചാൽ പിതാവിനോട് തങ്ങളുടെ ബന്ധം വെളിപ്പെടുത്തുമെന്ന് മിനാല് ഭീഷണിപ്പെടുത്തിയിരുന്നു. ഇതാണ് കൊലപാതകത്തിലേക്ക് നയിച്ചതെന്ന് പ്രതികള് പൊലീസിനോട് വെളിപ്പെടുത്തി. ഹിമാന്ഷുവും സോനുവും ചേര്ന്ന് ഗൂഢാലോചന നടത്തിയ ശേഷം മിനാലിനെ വിളിച്ചുവരുത്തി കൊലപ്പെടുത്തുകയായിരുന്നു.
ജനുവരി 10ന് ഹരി നഗറിലെ ഇരയുടെ ഫ്ളാറ്റില്വച്ചാണ് ഇവര് മിനാലിനെ കൊലപ്പെടുത്തിയത്. സിസിടിവിയുടെയും ഫോണ് രേഖകളുടെയും അടിസ്ഥാനത്തിലാണ് ഇരുവരുടെയും അറസ്റ്റ് രേഖപ്പെടുത്തിയത്. സംഭവത്തില് അന്വേഷണം ആരംഭിച്ചതായും പൊലീസ് അറിയിച്ചു
Photo Courtesy - google