കേരളത്തിലെ പൊക്കാളി പാടശേഖര പടവുകാര്‍, കര്‍ഷകര്‍, കര്‍ഷകത്തൊഴിലാളികള്‍, മല്‍സ്യത്തൊഴിലാളികള്‍ എന്നിവരുടെ അവകാശ സംരക്ഷണം ഉറപ്പു വരുത്താനുള്ള പോരാട്ടം തുടരും.
കൊച്ചി: 'അഴിമതിക്കെതിരെ വിട്ടുവീഴ്ചയില്ലാത്ത പോരാട്ടം തുടരു'മെന്ന് വി 4 പീപ്പിള്‍ പ്രസിഡന്റ് നിപുണ്‍ ചെറിയാന്‍.'അഴിമതി കാണിക്കുന്നയാള്‍ മന്ത്രിയാണോ ജഡ്ജിയാണോ എന്നതൊന്നും നോക്കാതെ അക്കാര്യം പരസ്യമായി ചൂണ്ടിക്കാട്ടു'മെന്നും കോടതിയലക്ഷ്യക്കേസില്‍ നാലു മാസം തടവ് ശിക്ഷ കഴിഞ്ഞ് കാക്കനാട്ടെ ജയിലില്‍ നിന്നിറങ്ങിയ ശേഷം അദ്ദേഹം പത്രപ്രസ്താവനയിലൂടെ അറിയിച്ചു.
'തടവറയില്‍ അടച്ച് എന്നെ തളര്‍ത്താനാകില്ല;ഇതു വരെ പറഞ്ഞ കാര്യങ്ങളിലും നിലപാടുകളിലും ഉറച്ചു നില്‍ക്കുന്നു.' സുപ്രീം കോടതിയില്‍ നല്‍കിയിട്ടുള്ള അപ്പീലിന്റെ വാദം കേള്‍ക്കുന്ന നവംബര്‍ ഏഴിനു താന്‍ കോടതിയിലുണ്ടാകുമെന്നും പ്രസ്താവനയില്‍ പറയുന്നു.
കേരളത്തിലെ പൊക്കാളി പാടശേഖര പടവുകാര്‍, കര്‍ഷകര്‍, കര്‍ഷകത്തൊഴിലാളികള്‍, മല്‍സ്യത്തൊഴിലാളികള്‍ എന്നിവരുടെ അവകാശ സംരക്ഷണം ഉറപ്പു വരുത്താനുള്ള പോരാട്ടം തുടരും. അടുത്ത തലമുറയ്ക്കായി ആ മേഖയിലെ പരിസ്ഥിതി സംരക്ഷണത്തിനും തുടര്‍ന്നും വിട്ടുവീഴ്ചയില്ലാതെ രംഗത്തുണ്ടാകും. ജയില്‍ വാസക്കാലത്തു പിന്തുണ നല്‍കിയ ഏവര്‍ക്കും നിപുണ്‍ ചെറിയാന്‍ നന്ദി അറിയിച്ചു. നാടിന്റെയും മുഷ്യരുടെയും അവകാശങ്ങള്‍ക്കായുള്ള വി 4 പീപ്പിള്‍ പാര്‍ട്ടിയുടെ പോരാട്ടങ്ങള്‍ക്ക് പിന്തുണയും അഭ്യര്‍ത്ഥിച്ചു.
Photo Courtesy - google
