ക്രമസമാധാന വ്യവസ്ഥയെ തകര്‍ക്കാന്‍ നിയമം ദുരുപയോഗം ചെയ്യാന്‍ ആരെയും അനുവദിക്കില്ലെന്നും യോഗി ആദിത്യ നാഥ് വ്യക്തമാക്കി.
ലഖ്നൗ: സ്ത്രീകളെ ശല്യം ചെയ്യുന്നവരെ കാത്ത് യമരാജനുണ്ടെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ഷാളിൽ പിടിച്ചു വലിച്ചതിനെ തുടർന്ന് യുവതി ബൈക്കിൽ നിന്നും തെറിച്ചുവീണ് മരിച്ച സംഭവത്തിന് പിന്നാലെയാണ് യോഗിയുടെ പരാമർശം. സംഭവത്തിൽ അറസ്റ്റിലായ മൂന്നു പ്രതികൾ കസ്റ്റഡിയിൽ നിന്ന് രക്ഷപ്പെടാൻ ശ്രമിക്കുന്നതിനിടെ രണ്ട് പ്രതികൾക്ക് വെടിയേറ്റ് പരിക്കേറ്റതായും ഒരാൾക്ക് കാലിന് പൊട്ടലുണ്ടായതായും പോലീസ് അറിയിച്ചു. ഇതിന് പിന്നാലെയാണ് യോഗിയുടെ പ്രതികരണം.
സംസ്ഥാനത്ത് സ്ത്രീകളെ പീഡിപ്പിക്കുന്നത് പോലെയുള്ള കുറ്റകൃത്യം ആരെങ്കിലും ചെയ്താൽ മരണത്തിന്റെ മൂർത്തിയായ യമരാജൻ അവരെ കാത്തിരിക്കും. ക്രമസമാധാന വ്യവസ്ഥയെ തകർക്കാൻ നിയമം ദുരുപയോഗം ചെയ്യാൻ ആരെയും അനുവദിക്കില്ലെന്നും യോഗി ആദിത്യ നാഥ് വ്യക്തമാക്കി.
