വിദേശത്തുള്ള സുഹൃത്തുക്കളുടെ സഹായത്തോടെയാണ് ഷെമീറിനെ കണ്ടെത്തിയതെന്നും അരിത ബാബു വ്യക്തമാക്കി
അശ്ലീല ദൃശ്യം അയച്ച പ്രവാസിക്കെതിരെ പരാതി നൽകി യൂത്ത് കോൺഗ്രസ് സംസ്ഥാന വൈസ് പ്രസിഡൻറ്. അരിത ബാബുവാണു പ്രവാസിയായ മലപ്പുറം സ്വദേശി ഇ പി ഷമീറിനെതിരെ പരാതി നൽകിയിരിക്കുന്നത്. ഷെമീറിന്റെ വീഡിയോ സന്ദേശം അടക്കമുള്ള തെളിവുകൾ സഹിതമാണ് പരാതി നൽകിയിരിക്കുന്നത്. വിദേശത്തുള്ള സുഹൃത്തുക്കളുടെ സഹായത്തോടെയാണ് ഷെമീറിനെ കണ്ടെത്തിയതെന്നും അരിത ബാബു വ്യക്തമാക്കി.
വിദേശ നമ്പരിൽ നിന്ന് ആദ്യം വാട്സാപ്പിൽ തുടർച്ചയായി വീഡിയോ കോൾ ചെയ്യുകയും പിന്നീട് ഫോണിലേക്ക് അശ്ലീല ദൃശ്യങ്ങൾ അയക്കുകയുമായിരുന്നു. അരിതയുടെ സുഹൃത്തുക്കൾ ഇയാളെ നേരിട്ട് ബന്ധപ്പെടുകയും തുടർന്ന് അരിതക്ക് വീഡിയോയിലൂടെ ക്ഷമാപണം നടത്തികൊണ്ടുള്ള വീഡിയോ ചിത്രീകരിച്ച് ഇയ്യാൾ അയച്ചു.
എന്നാൽ, ഒരു പെൺകുട്ടിക്കെതിരെയും ഇയാൾ ഇങ്ങനെ പ്രവർത്തിക്കാൻ പാടില്ലെന്നും അതിനാലാണ് പരാതി നൽകിയതെന്നും അരിതാബാബു വ്യക്തമാക്കി.
Photo Courtesy - google
