പ്രീമിയം സബ്‌സ്‌ക്രൈബർമാർക്കായി അഞ്ച് പുതിയ ഫീച്ചറുകളുമായി യുട്യൂബ്. രണ്ട് ഫീച്ചറുകൾ സ്ഥിരമായി നിലവിൽ വന്നെന്നും മൂന്നു ഫീച്ചറുകൾ പരീക്ഷണ ഘട്ടത്തിലാണെന്നും റിപ്പോർട്ടുകൾ വ്യക്തമാക്കുന്നു. എഐ സാങ്കേതിക വിദ്യ ഉൾപ്പെടെ ഉപയോഗിച്ചാണ് പുതിയ ഫീച്ചറുകൾ എത്തുന്നതത്രെ.
'ജംബ് എഹെഡ്' (Jump Ahead) എന്നൊരു പുതിയ ഫീച്ചർ യൂട്യൂബിൽ ഗൂഗിൾ അവതരിപ്പിക്കുകയാണ്. വീഡിയോ കാണുമ്പോൾ സ്‌കിപ് ചെയ്‌ത് പോകാനായി ഈ ഫീച്ചർ സഹായിക്കും. ഏതെങ്കിലുമൊരു വീഡിയോയിൽ ഡബിൾ ടാപ് ചെയ്‌ത് സ്‌കിപ് ചെയ്യുന്നതിന് പകരം ജംബ് എഹെഡ് ബട്ടണിലൂടെ പ്രത്യേകമായി അടയാളപ്പെടുത്തിയ പ്രധാന ദൃശ്യഭാഗങ്ങളിലേക്ക് നേരിട്ടെത്താൻ കാഴ്ചക്കാർക്ക് സാധിക്കും. എഐ സാങ്കേതിക വിദ്യയുടെ സഹായത്തോടെയാണ് ഇത് സാധ്യമാക്കുന്നത്.
'പിക്ച്ചർ-ഇൻ-പിക്ച്ചർ' ഫീച്ചർ പ്രീമിയം മെമ്പർമാർക്ക് വരുന്നതാണ് യൂട്യൂബിലെ മറ്റൊരു പ്രധാന അപ്‌ഡേറ്റ്. മറ്റ് ആപ്ലിക്കേഷനുകൾ ഉപയോഗിക്കുമ്പോൾ യൂട്യൂബ് ഷോർട് വീഡിയോകൾ മിനിമൈസ് ചെയ്തുവെച്ച് കാണാനാവുന്ന ഫീച്ചറാണ് ഇത്.
