കേരളത്തിലെ നോർക്ക ഡിപ്പാർട്ട്‌മെന്റിന്റെ മാതൃകയിൽ മറ്റ് ഇന്ത്യൻ സംസ്ഥാനങ്ങളിൽ പ്രവാസി ക്ഷേമ സമിതികൾ സ്ഥാപിക്കണമെന്ന് യുസഫലി നേരത്തേ കേന്ദ്ര സർക്കാരിനോട് ആവശ്യപ്പെട്ടിരുന്നു.
ന്യൂഡൽഹി: പ്രധാനമന്ത്രി നരേന്ദ്രമോദിയെ സന്ദർശിച്ച് പ്രമുഖ മലയാളി വ്യവസായി എം എ യൂസഫലി. പ്രധാനമന്ത്രിയുടെ ഔദ്യോഗിക വസതിയിലെത്തിയാണ് യൂസഫലി മോദിയുമായി ആശയവിനിമയം നടത്തിയത്. യൂസഫലി തന്നെയാണ് പിന്നീട് കൂടിക്കാഴ്ച്ചയുടെ ചിത്രങ്ങൾ ട്വിറ്ററിൽ പങ്കുവെച്ചത്. വിവിധ പദ്ധതികളുടെ പുരോഗതിയെക്കുറിച്ച് പ്രധാനമന്ത്രിയെ ധരിപ്പിച്ചെന്നും അദ്ദേഹം വ്യക്തമാക്കി.
കേരളത്തിലെ നോർക്ക ഡിപ്പാർട്ട്‌മെന്റിന്റെ മാതൃകയിൽ മറ്റ് ഇന്ത്യൻ സംസ്ഥാനങ്ങളിൽ പ്രവാസി ക്ഷേമ സമിതികൾ സ്ഥാപിക്കണമെന്ന് യുസഫലി നേരത്തേ കേന്ദ്ര സർക്കാരിനോട് ആവശ്യപ്പെട്ടിരുന്നു. ലുലു ഗ്രൂപ്പ് ചെയർമാനായ യൂസഫലി നോർക്ക റൂട്ട്‌സിന്റെ വൈസ് ചെയർമാനാണ്.
